Vidas Mariñeiras
Golfo Ártabro Norte

O programa VIDAS MARIÑEIRAS Golfo Ártabro Norte está dirixido ao alumnado de 3º e 4º da E.S.O e 1º de Bacharelato de Ares, Cabanas, Fene, Ferrol, Miño, Mugardos, Narón, Neda, Paderne e Pontedeume. En setembro de 2018 ábrese de novo o prazo para a presentación de proxectos para o programa, que contempla a selección, titorización e desenvolvemento de varios proxectos cinematográficos que darán como resultado unha serie de filmes representativos de diferentes aspectos da vida e a paisaxe do mar e da costa. Contacta connosco se precisas máis información:

golfoartabronorte@vidasmarineiras.gal

Películas

Atlántico de plástico

Dirección: alumnado de 2º e 3º de ESO do IES Canido de Ferrol

Abrir os ollos

Dirección: alumnado de 4º de ESO do IES Breamo de Pontedeume

Entre o río e o mar

Dirección: alumnado de 3º da ESO do IES Breamo, Pontedeume

De corazón, mariñeiro

Dirección: alumnado de 3º e 4º da ESO do CPI A Xunqueira, Fene

Marea de mulleres

Dirección: alumnado de 4º da ESO do CPI As Mirandas, Ares

Novas

Estrea de "Abrir os ollos" e "Atlántico de plástico" no Jofre

21/12/2018

O Teatro Jofre acolleu o martes 18 de novembro a estrea das curtametraxes de Vidas Mariñeiras, o programa formativo que por segundo ano promove o GALP Golfo Ártabro Norte entre os centros de ensino dos concellos de Ares, Cabanas, Fene, Ferrol, Miño, Mugardos, Narón, Neda, Paderne e Pontedeume. As pezas poderanse ver nesta mesma web a partir de xaneiro de 2019.

Ler máis

Proxección de curtas feitas por alumnado de Pontedeume e de Ferrol, colofón do programa “Vidas Mariñeiras”, o martes 18 no Teatro Jofre

13/12/2018

Abrir os ollos e Atlántico de plástico son os títulos das pezas documentais resultado do programa formativo en audiovisual “Vidas Mariñeiras” que recibiron durante un mes alumnas e alumnos da ESO dos IES Canido de Ferrol e Breamo de Pontedeume. As curtas estrearanse este martes 18 de decembro no Teatro Jofre, con entrada libre ata completar aforo.

Ler máis

"Entre o río e o mar" gaña o Premio ao mellor guión no Ouff Escola 2018

05/12/2018

Entre o río e o mar, curtametraxe realizada o curso pasado por alumnado de 3º ESO do IES Breamo, e que tamén foi finalista nos premios Olloboi 2018 na categoría documental, recibiu onte o premio ao mellor guión no IX Certame de cine OUFF Escola, dentro da 23ª edición do Ourense Film Festival.

Ler máis